Matvælastofnun (MAST) fer með eftirlit með framkvæmd ákvæða reglugerðar nr. 289/2005 um merkingar búfjár. Eftirlitið er í höndum héraðs- og eftirlitsdýralækna í umdæmum stofnunarinnar um land allt. Fylgjast héraðs- og eftirlitsdýralæknar með merkingum búfjár við slátrun gripa, við fjósaskoðanir eða við annað eftirlit. Búfjáreftirlitsmönnum ber samkvæmt lögum að líta eftir merkingum búfjár þegar þeir fara í reglubundnar eftirlitsferðir vegna starfa sinna. Samræming eftirlitsins og samræmdar aðgerðir eru m.a. í höndum dýraheilbrigðissviðs höfuðstöðva MAST á Selfossi. Undir þessum flokki er að finna eftirfarandi efni: